Trail Boss's Cowboy Cookbook Book

Ho, dis book so funny, had tot was going DIE laugh. Fo realz. I already wen incorporate all kine new kine pidgin vocabularies into my daily lexicon, like for zample: I ask my keeds, "Eh, you need 5-4-4?" Dat means I asking dem if dey like go batchroom. Because, Go - Shi - Shi! HOOOOOOO!!!!!! (You folks geffum? Chrai count da helu in Japananee. Bumbye you geffum.)
But forealz. Dis book represent one serious scholarly kine undertaking. Dis guy, Tonouchi, he know what he stay doing-- get sources and da kine citations for every single chibi word in dis book. Wid da high school da source had go to, and when dey had graduate. Dat, in itself, right deah-- dat one high-quality ezample of de inherit advantage of emic (as oppose to haole kine edic) meta-evaluations of cultural kine norms and behaviors.